Улаанбаатар
Бэйдоугийн хоёр хиймэл дагуулыг хөөргөжээ
ДЭЛХИЙН МЭДЭЭ | ТЕХНОЛОГИ
БЭЭЖИН, 2024 оны есдүгээр сарын 19 /Xinhua/. Хятадын сансрын шинжлэх ухаан, технологийн корпорац (CASC) “Бэйдоу” навигацийн системийн хоёр хиймэл дагуулыг өнөөдөр хөөргөлөө.
Хиймэл дагуулуудыг Бээжингийн цагаар 09:14 цагт Сычуань мужийн баруун өмнөд нутагт орших Сичан сансрын хөлгийн буудлаас CZ-3B/YZ зөөгч пуужингаар хөөргөсөн байна. Уг зөөгч пуужингаар 535 дахь удаагаа хиймэл дагуул хөөргөжээ.
Энэ удаад "Бэйдоу" системийн гурав дахь бүлэг хиймэл дагуулын хүчин чадлыг нэмэгдүүлэх зорилгоор 59, 60 дугаартай хиймэл дагуулуудыг тойрог замд илгээсэн байна.
“Бэйдоу” навигацын системийн хиймэл дагуулуудыг бүрдүүлэх хөтөлбөрийг 2000 онд эхлүүлсэн бөгөөд арилжааны зориулалтаар ашиглах зорилготой юм. Тус хөтөлбөрийн хүрээнд "BDS-1", "BDS-2", "BDS-3" гэсэн гурван өөр үеийн сансрын аппаратуудыг тойрог замд байрлуулжээ.
Холбоотой мэдээ
