Улаанбаатар
ДУНДГОВЬ: Нүүдлийн клиник эмнэлэг бүхий автомашин хүлээлгэн өгөв
ОРОН НУТГИЙН МЭДЭЭ | ДУНДГОВЬ
Мандалговь, 2024 оны арванхоёрдугаар сарын 18 /МОНЦАМЭ/. Дундговь аймаг нүүдлийн клиник эмнэлэгтэй боллоо. Явуулын
клиник эмнэлэг бүхий Донгфенг маркийн автомашиныг улсын төсвийн 978,184,000
төгрөгийн хөрөнгө оруулалтаар "Сүвэн-Уул" ХХК тус аймагт нийлүүлжээ. Нүүдлийн клиник эмнэлгийг аймгийн ЭМГ, Нэгдсэн эмнэлэгт хүлээлгэн өглөө.
Энэхүү автомашин нь 2024 онд үйлдвэрлэсэн. Гурван өрөө бүхий
үзлэгийн кабинет, лабораторийн иж бүрэн тоног төхөөрөмж, дотрын өвчний зонхилон
тохиолдох эмгэгийг илрүүлэх зөөврийн эхо, зүрх судасны өвчний эмгэгийг илрүүлэх
зүрхний цахилгаан бичлэгийн аппарат, эмэгтэйчүүдийн үзлэгийн ор, умайн хүзүүний
хорт хавдрыг эрт илрүүлэх хиймэл оюун ухаанд суурилсан утасгүй төхөөрөмж, уушгины
багтаамж шалгах спирометрийн аппарат, хаана ч ашиглаж болох старлик зөөврийн
автомашинд зориулсан интернэт зэрэг 24 нэр төрлийн тоног төхөөрөмжөөр
тоноглогдсон.
Тус аймгийн төрөлжсөн нарийн мэргэжлийн эмч нар бүх суманд, тэр дундаа алслагдсан хөдөө орон нутгийн иргэд, малчдад урьдчилан сэргийлэх эрт илрүүлэг, үзлэг, оношилгоог ийнхүү үзүүлэх боломжтой болж байна.
