Улаанбаатар
Нэгдүгээр ангийн элсэлтийн цахим бүртгэл эхэллээ
МОНГОЛЫН МЭДЭЭ | БОЛОВСРОЛ
Улаанбаатар, 2025 оны наймдугаар сарын 12 /МОНЦАМЭ/. Төрийн өмчийн ЕБС-ийн нэгдүгээр ангийн элсэлтийн цахим бүртгэл албан ёсоор эхэллээ.
2025-2026 оны хичээлийн жилд төрийн өмчийн ЕБС-ийн нэгдүгээр ангийн элсэлтийн цахим бүртгэлийг улсын хэмжээнд өнөөдрөөс эхэлж, E-Mongolia системээр дамжуулан энэ сарын 26-ны өдрийг дуустал зохион байгуулна.
Нэгдүгээр ангийн элсэлтийн цахим бүртгэлийн үйлчилгээг авахдаа дараах зүйлсийг анхаарах юм. Үүнд, өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх, шилжилт хөдөлгөөнийг наймдугаар сарын 22-ны өдрөөс өмнө баталгаажуулсан байх, /хуурамчаар хаягийн бүртгэл, түрээсийн гэрээ хийхийг хориглоно/.
2019 оны нэгдүгээр
сарын 1-ний өдрөөс 2019 оны арванхоёрдугаар сарын 31-ний өдрийн хооронд төрсөн
зургаан настай хүүхэд нэгдүгээр ангийн цахим бүртгэлд хамрагдах ажээ.
