Засгийн газрын үнэт цаасны арилжаа маргааш болно
МОНГОЛЫН МЭДЭЭ | ЭДИЙН ЗАСАГЗасгийн газрын үнэт цаасны шинэ арилжаа маргааш Хөрөнгийн биржид нээгдэнэ.
Тус үнэт цаас нь 39 долоо хоног буюу 9 сарын хугацаатай, жилийн 17.911 хувийн хүүтэй байх юм. Мөн 156 долоо хоног буюу 3 жилийн хугацаатай, жилийн 18 хувийн үнэт цаасыг арилжина.
Засгийн газрын жижиглэнгийн үнэт цаасны энэ оны нэгдүгээр улирлын арилжааны хуваарийн дагуу уг арилжаа энэ сарын 28-нд хийхээр товлосон байсан юм.
Ээлжит арилжааг сар шинэ тохиож байгаатай холбогдуулан хугацааг урагшлуулан маргааш зохион байгуулахаар болжээ.
Б.Туул