Ulaanbaatar
Лос-Анжелес хотын 1000 гаруй сургуулийг хаажээ
ДЭЛХИЙН МЭДЭЭ | НИЙГЭМЛОС-АНЖЕЛЕС. /BBC/. АНУ-ын Калифорни муж улсын Лос-Анжелес хотын сургуулийн нэгдсэн дүүрэгт заналхийлсэн цахим шуудан ирсэнтэй холбогдуулан тус хотын сургуулиудыг хаасан байна. Хоёр долоо хоногийн өмнө тус муж улсын Сан-Бернардино хотод зэвсэгт халдлага болсон билээ.
Лос-Анжелес хот болон бусад хотын 640 мянга орчим хүүхэд сурдаг 1000 гаруй сургуулийг хаасан байна.
Нью-Йорк хотын сургуулийн дүүрэгт мөн заналхийлсэн ийм цахим шуудан иржээ. Гэвч уг шуудан “жигтэй” байсан учир албаны хүмүүс хуурамч гэж үзэн тоолгүй орхижээ.
АНУ-ын Төлөөлөгчдийн танхимын Тагнуулын байнгын хорооны гишүүн Адам Шифф, Лос Анжелест ирсэн уг цахим шуудан мөн хуурамч гэж мэдэгдсэн байна.
Харин Нью-Йорк хотын Цагдаагийн комиссар Уильям Брэттон, “уг цахим шуудан гадаадаас ирсэн бөгөөд босогчдын илгээлт болохыг харуулах зорилготой боловч үүнийг баталгаатай гэж үзэхгүй байна. Лос-Анжелес хотын албаны хүмүүс уг асуудлыг хэт дэвэргээд байна” гэж мэдэгджээ.
Гэвч Лос-Анжелес хотын Цагдаагийн дарга Чарли Бек хариу мэдэгдэл хийн, 750 мянга гаруй хүний амийг хамгаалах хариуцлага үүрээгүй байж биднийг буруушаах нь “хариуцлагагүй үйлдэл” юм гэж мэдэгджээ.
Д.Нямтулга
