Ulaanbaatar
“Мерси кор” байгууллага аймгийн Онцгой комисст ариутгал, хамгааллын хэрэгсэл хандивлалаа
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. “Мерси кор” Олон улсын
байгууллага аймгийн Онцгой комисст ариутгал, халдвар хамгааллын хувцас,
хэрэглэл хандивлав.
Хандивыг тус байгууллагын аймаг хариуцсан
зохицуулагч Х.Жумагүл Онцгой комиссын орлогч дарга Б.Анхбаярт өнөөдөр гардуулан өглөө.
COVID-19 халдвараас урьдчилан сэргийлэх
ажилд дэмжлэг болгож Онцгой комисст 5,1 сая төгрөгийн үнэ бүхий 1000 ширхэг
амны хаалт, 30 ширхэг нэг удаагийн хамгаалалтын хувцас, 2 хайрцаг бээлий, 10
ширхэг зайнаас халуун хэмжигч, 3 ширхэг автомакс /20 л/ хандивлаж байна. Мөн Мал
эмнэлгийн газарт 1,4 сая төгрөгийн шатахууны талон, 2 ширхэг шүршигч автомакс
хүлээлгэн өгч байгаагаа тэрээр хэллээ.
