Ulaanbaatar
Багийн засаг даргын сонгууль 9 дүгээр сард явагдаж дуусна
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Сүхбаатар аймаг 13 сумын
66 багтай. Багийн засаг дарга нарын ээлжит сонгууль өнгөрсөн намар эхэлсэн ч
халдварын нөхцөл байдлаас шалтгаалан цуцлагдаад байсан. Тэгвэл сумын
удирдлагууд, иргэдээс ирсэн хүсэлтийн дагуу үлдсэн багуудын засаг даргын сонгуулийг
энэ 9 дүгээр сард явуулахаар болжээ.
Өөрөөр хэлбэл 10 дугаар сарын 1 гэхэд бүх багийн сонгуулийг хуулийн дагуу зохион
байгуулж дуусгах чиглэлийг аймгийн Онцгой комиссоос гаргажээ. Энэ хугацаанд 10
сумын 41 багт сонгууль явагдах юм.
Халдварын нөхцөл байдал эргэн хүндэрч байгаа ч гэсэн халдвар хамгааллын
дэглэмийг баримтлан сонгуулийг явуулахаас гадна мэргэжлийн байгууллагууд тавих
хяналтаа чангатгахыг онцгойлон анхаарууллаа.
