Ulaanbaatar
Илон Маск гурван жилийн дараа “Твиттер”-ийг олон нийтэд худалдахаар төлөвлөж байна
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /The Wall Street Journal/. Дэлхийн хамгийн баян хүн Илон Маск хөрөнгө оруулагчдад
хандаж хэлэхдээ, “Твиттер”-ийг өөрийн эзэмшилд авсны дараа удалгүй олон нийтэд
нээлттэй арилжаалдаг хувьцаа болгоно хэмээн мэдэгджээ.
Тодруулбал, тэрбээр хамтран
“Твиттер”-т хөрөнгө оруулсан хөрөнгө оруулагчиддаа хандаж хэлэхдээ, “Твиттер”-ийг
өөрийн болгосныхоо дараа ойрын гурван жилийн дотор олон нийтэд нээлттэйгээр
хувьцааг нь худалдана гэсэн байна.
Түүний тооцоолж буйгаар “Твиттер”-ийг
худалдан авах үйл ажиллагаа нь зургаан сарын дотор дуусах аж.
Сүүлийн хэдэн долоо
хоногт зах зээлийн хөрөнгө оруулагчид болон ажиглагчид Илон Маск “Твиттер”-ийг
худалдан авсан шалтгааныг олохыг оролдож байна.
Түүний хийж буй дээрх
шийдвэрээс харахад тэрбээр “Твиттер”-ийг ашгийн төлөө худалдаж авсан нь
харагдаж байгаа юм.
Илон Маск өнгөрсөн сард
олон нийтийн цахим хэрэгсэл болох “Твиттер” компанийг нэгж хувьцааг нь 54.2
ам.доллараар бэлэн мөнгөөр худалдаж авсан.
