Ulaanbaatar
ХОВД: Гадаад оюутнууд монгол ахуй, соёлтой танилцлаа
ОРОН НУТГИЙН МЭДЭЭ | ХОВД
Жаргалант
/МОНЦАМЭ/. Ховд аймагт суралцаж буй гадаад оюутнуудын төлөөлөл
саяхан малчин айлд зочилж, монгол ахуй, соёлтой танилцжээ.
МУИС-ийн Ховд аймаг дахь салбар сургууль нь гадаадын их, дээд сургуультай хамтран оюутан солилцоо, 2+2 хос диплом олгох хөтөлбөр, цалинтай дадлагажигч зэрэг олон талт хөтөлбөр хэрэгжүүлдэг.
Энэ сарын 2-ны өдөр тус
сургуульд солилцооны дадлага хийж буй БНХАУ-ын Баруун хойтын үндэстний их
сургуулийн 18 оюутан, багш Н.Хишигнуур болон Япон улсын Токиогийн Гадаад
судлалын их сургуулиас солилцооны хөтөлбөрийн хүрээнд ирж суралцаж буй 2 оюутан
малчин айлд зочилж, монгол ахуй соёлтой танилцав.
Монгол судлалын
чиглэлээр суралцдаг тус оюутнуудын хувьд монгол малчин өрхийн нэг
өдрийн ажил, амьдралтай танилцах нь сонирхолтой, дурсамжтай байсан гэдгийг
онцоллоо. 
