Ulaanbaatar
Латин Америкийн 13 орны хууль сахиулагчид хамтран ажиллана
ДЭЛХИЙН МЭДЭЭ | НИЙГЭМ
РИО ДЕ ЖАНЕЙРО, 2023 оны арваннэгдүгээр сарын 10 /TASS/. Латин Америкийн 13 орны
хууль сахиулах байгууллагын төлөөлөгчид “Ameripol” буюу Америк
тивийн цагдаагийн нийгэмлэгийн ажиллагааг өргөжүүлэн бэхжүүлэх гэрээнд пүрэв гарагт гарын үсэг зуржээ.
Энэ гэрээ нь бүс нутгийн цагдаа, аюулгүй байдлын албадын мэдээлэл солилцох
хамтын ажиллагааг өргөжүүлэн
гүнзгийрүүлэх зорилготой гэж Бразилийн цагдаагийн цахим
хуудсанд мэдээлсэн байна.
“Бразил улс тус тивийн Аргентин, Гаити, Гондурас, Колумб, Коста Рика, Панам, Парагвай, Доминикан, Эквадор, Суринам, Уругвай, Чили гэсэн 12 улстай энэхүү гэрээнд гарын үсэг зурлаа. “Ameripol” нь 2007 оноос
эхлэн олон улсын цагдаагийн байгууллага болсон нь хууль сахиулах
байгууллагуудын хамтын ажиллагааны чухал
хэсэг болно" гэж мэдэгдэлд дурджээ.
Энэ байгууллагын гол
үүрэг бол үндэстэн дамнасан гэмт хэргийн бүлэглэлүүдийн үйл ажиллагааг таслан зогсоох, мөрдөн шалгах, тэмцэх чиглэлээр аюулгүй
байдлыг хангах байгууллагууд хоорондын үйл
ажиллагааны уялдаа холбоог
сайжуулах явдал юм. “Ameripol” нь мэдээлэл туршлага солилцох,
техникийн зөвлөгөө өгөх замаар олон улсын цагдаагийн хамтын ажиллагааг өргөжүүлэх зорилготой бөгөөд төв
байр нь Колумбийн Богота
хотод байрладаг.
