Ulaanbaatar
УВС: Аймгийн аварга шатарчид тодорлоо
ОРОН НУТГИЙН МЭДЭЭ | УВС
Улаангом. 2025 оны
гуравдугаар сарын 24 /МОНЦАМЭ/. 2025 оны Увс аймгийн аварга
шалгаруулах шатрын тэмцээн энэ сарын 22-23-ны өдрүүдэд Улаангом суманд боллоо. Тэмцээнд 56 шатарчин ур чадвар, оюун ухаанаа сорин өрсөлдсөн юм.
Эрэгтэй төрөлд нэгдүгээр байрыг Цогцолбор 1-р сургуулийн
багш Ц.Цэдэвсүрэн, хоёрдугаар байрыг Баруунтуруун сумын О.Эрдэнэтогтох, гуравдугаар
байрыг Давст сумын Ш.Мөнхбат нар хүртлээ.
Харин эмэгтэй төрөлд нэгдүгээр байрыг “Ойрад” театрын
ажилтан Ж.Алтанцэцэг, хоёрдугаар байрыг Улаангом сумын 12-р багийн иргэн Г.Галцэцэг,
гуравдугаар байрыг Цогцолбор 2-р сургуулийн Б.Мөнгөнзаяа нар эзэлсэн байна.
Тэрчлэн хамгийн
их оноотой ахмад настнаар Өмнөговь сумын Б.Сүхбаатар, хамгийн их оноотой
өсвөрийн эрэгтэй шатарчнаар Цогцолбор 1-р сургуулийн Т.Тэмүүлэн, эмэгтэй
шатарчнаар мөн сургуулийн Л.Нарансолонго нар шалгарчээ.
Энэ жилийн аймгийн аварга шалгаруулах шатрын тэмцээний хувьд оролцогч ихтэй, зохион байгуулалт сайтай, үзэгч хөгжөөн дэмжигч олонтой болсноороо онцлог байлаа.
