Ulaanbaatar
Сум тус бүрт өвс олгож, малчдад эмийн хөнгөлөлт үзүүлэхээр боллоо
ОРОН НУТГИЙН МЭДЭЭ | ХОВД
Ховд/МОНЦАМЭ/ Өөвөлжилт, цаг үеийн нөхцөл байдлын талаар Ховд аймгийн Онцгой комисс хуралдаж зудын хүндрэлийг хэрхэн даван туулах талаар хэлэлцэж, цаашид учирч болох эрсдлээс урьдчилан сэргийлэхээр тодорхой шийдвэрүүдийг гаргалаа.
Эхний ээлжинд нэг суманд 600 ширхэг шахмал өвсийг энэ сарын 15-наас өмнө зудын байдалд байгаа сумдад хүргүүлэхээр боллоо. Мөн сум тус бүрт малчдыг эргэх байнгын эргэлтийн баг ажиллуулж, “Малчдадаа тусалъя” аяны хүрээнд цугларсан өвс, тэжээл, хүнс, барааг малчдад хүргүүлэх юм.
Үүнээс гадна сумын төвөөс алслагдсан, хөдөөгийн багийн малчдад эрүүл мэндийн туслалцаа үзүүлэх эмч, мэргэжилтнүүдийн баг гарган ажиллуулж, шатахууны зардлыг аймгийн онцгой комиссоос гаргахаар шийдвэрлэлээ.
Тус хурлаар иргэдийн эм худалдан авах чадвар тааруу байдал, ханиад томууны гаралт буурахгүй байгааг харгалзан үзэж аймгийн БОЭТ-ийн Хүүхдийн тасагт нэг сая төгрөгний эмийг олгож, хөдөө сумуудад яаралтай хэрэгцээний эмийг хүргүүлэхээр болжээ.
Аймгийн онцгой комиссын даргын тушаалаар байгуулагдсан ажлын гурван хэсэг өнгөрсөн 7 хоногт сум орон нутгийн удирдлагууд, малчидтай уулзаж өвөлжилтийн нөхцөл байдалтай танилцаад ирсэн. Малчдын хувьд ханиад томууны гаралт ихэссэнтэй холбоотой эрүүл мэндийн тусламж үйлчилгээг шуурхай авах, жороор олгодог эмийг өөрсдийн гар дээр хүргүүлэх, шаардлагатай тохиолдолд харилцаа холбоо тогтоох үүднээс Жи-мобайлын сүлжээг сайжруулах, хөнгөлөлттэй үнээр өвс, тэжээл худалдаж авах зэрэг хүсэлтийг ажлын хэсгийнхэнд уламжилсан байна. Харин сумдын удирдлагууд сум орон нутагтаа шаардлагатай байгаа өвс, тэжээл, шатахуун, нүүрс түлээний хэмжээг тодорхойлж, яаралтай шийдвэрлэж өгөхийг хүсчээ. Тухайлбал, Мөст сум 1280 уут тэжээл, 30 тн өвс, Манхан 1000 пресс, 300 уут тэжээл, Мянгад 162 уут тэжээл, Ховд сум 266 уут тэжээл, Мөнххайрхан 400 уут тэжээл, 1000 боодол өвсний туслалцаа авах хүсэлтэй байгаагаа илэрхийлсэн байна.
Өнөөдрийн байдлаар цас, зудын нөхцөл байдлаас болж аймгийн хэмжээнд нийтдээ 3904 толгой мал хорогдоод байна. УЦУОШГ-аас хийсэн зудын эрсдлийн үнэлгээгээр Дарви, Жаргалант, Манхан, Чандмань, Дуут, Мянгад, Эрдэнэбүрэн сумдын нутгаар буюу нийт нутгийн 43,75 хувьд зудархуу нөхцөлтэй байгааг тодорхойлжээ.
А.Бямбасүрэн
Эхний ээлжинд нэг суманд 600 ширхэг шахмал өвсийг энэ сарын 15-наас өмнө зудын байдалд байгаа сумдад хүргүүлэхээр боллоо. Мөн сум тус бүрт малчдыг эргэх байнгын эргэлтийн баг ажиллуулж, “Малчдадаа тусалъя” аяны хүрээнд цугларсан өвс, тэжээл, хүнс, барааг малчдад хүргүүлэх юм.
Үүнээс гадна сумын төвөөс алслагдсан, хөдөөгийн багийн малчдад эрүүл мэндийн туслалцаа үзүүлэх эмч, мэргэжилтнүүдийн баг гарган ажиллуулж, шатахууны зардлыг аймгийн онцгой комиссоос гаргахаар шийдвэрлэлээ.
Тус хурлаар иргэдийн эм худалдан авах чадвар тааруу байдал, ханиад томууны гаралт буурахгүй байгааг харгалзан үзэж аймгийн БОЭТ-ийн Хүүхдийн тасагт нэг сая төгрөгний эмийг олгож, хөдөө сумуудад яаралтай хэрэгцээний эмийг хүргүүлэхээр болжээ.
Аймгийн онцгой комиссын даргын тушаалаар байгуулагдсан ажлын гурван хэсэг өнгөрсөн 7 хоногт сум орон нутгийн удирдлагууд, малчидтай уулзаж өвөлжилтийн нөхцөл байдалтай танилцаад ирсэн. Малчдын хувьд ханиад томууны гаралт ихэссэнтэй холбоотой эрүүл мэндийн тусламж үйлчилгээг шуурхай авах, жороор олгодог эмийг өөрсдийн гар дээр хүргүүлэх, шаардлагатай тохиолдолд харилцаа холбоо тогтоох үүднээс Жи-мобайлын сүлжээг сайжруулах, хөнгөлөлттэй үнээр өвс, тэжээл худалдаж авах зэрэг хүсэлтийг ажлын хэсгийнхэнд уламжилсан байна. Харин сумдын удирдлагууд сум орон нутагтаа шаардлагатай байгаа өвс, тэжээл, шатахуун, нүүрс түлээний хэмжээг тодорхойлж, яаралтай шийдвэрлэж өгөхийг хүсчээ. Тухайлбал, Мөст сум 1280 уут тэжээл, 30 тн өвс, Манхан 1000 пресс, 300 уут тэжээл, Мянгад 162 уут тэжээл, Ховд сум 266 уут тэжээл, Мөнххайрхан 400 уут тэжээл, 1000 боодол өвсний туслалцаа авах хүсэлтэй байгаагаа илэрхийлсэн байна.
Өнөөдрийн байдлаар цас, зудын нөхцөл байдлаас болж аймгийн хэмжээнд нийтдээ 3904 толгой мал хорогдоод байна. УЦУОШГ-аас хийсэн зудын эрсдлийн үнэлгээгээр Дарви, Жаргалант, Манхан, Чандмань, Дуут, Мянгад, Эрдэнэбүрэн сумдын нутгаар буюу нийт нутгийн 43,75 хувьд зудархуу нөхцөлтэй байгааг тодорхойлжээ.
А.Бямбасүрэн
