Есөн иргэн архинаас татгалзсан байна
ОРОН НУТГИЙН МЭДЭЭ | БУЛГАНБулган аймгийн Хууль зүйн хэлтэс, Цагдаагийн газар, Нийгмийн халамж үйлчилгээний хэлтэс, Нэгдсэн эмнэлгийн сэтгэц наркологийн тасаг хамтран архинаас гаргах вакумжуулсан үйл ажиллагааг зохион байгуулаад байна.
Энэ нь ЗД – ын “Архигүй Булган” хөтөлбөрийн хүрээнд хийгдэж байгаа бөгөөд сургагч багшаар нь Монгол Улсын Ерөнхийлөгчийн ТГ-ын дэргэдэх “Архигүй Монгол” үндэсний сүлжээний соён гэгээрүүлэгч, “Сэтгэлийн хөгжил” ТББ-ын тэргүүн А.Батсайхан ирж архины хамааралтай хүмүүстэй нүүр тулжээ. Тэр Булган суманд 2 удаа ирж, зорилтот бүлгийн 24 иргэнийг энэхүү архинаас гаргах үйл ажиллагаандаа татан оролцуулснаас одоогийн байдлаар 9 иргэн архинаас бүрэн татгалзаж гарсан байна. 2016 онд энэхүү ТББ–тай ахин хамтран ажиллах тухай саналыг Булган аймгийн Засаг дарга, сумдын ИТХ-ын дарга нар дэмжлээ. Мэдээллийг Булган аймгийн Цагдаагийн газрын АСТАХ ахлах байцаагч, цагдаагийн дэд хурандаа Т.Норпил мэдээллээ.
П.Батням