Он гарсаар Ховд аймгийн нутагт гурван удаа хүчтэй газар хөдлөлт болжээ
ОРОН НУТГИЙН МЭДЭЭ | ХОВДХовд/МОНЦАМЭ/Тус аймгийн төв Ховд хотод өнгөрсөн долоо хоногийн эхээр буюу амралтын үеэр газар хөдлөлт зарим хүмүүст мэдрэгдэж, орон сууцны цонх шажигнах, гэрт байсан хүний толгой эргэх зэрэг мэдрэмж төрсөн байна. Энэ тухай хаана хэдэн баллын газар хөдлөлт болсон тухай Одон Орон Геофизикийн Хүрээлэнгийн Ховд аймаг дахь салбарын мэргэжилтэн Х.Ганзоригоос тодрууллаа.
Энэ оны 11 сарын 10 –ны байдлаар Монгол орны баруун бүс нутгийн хэмжээнд 9500
орчим газар хөдөлөлтийн мэдээлэл бүртгэгдээд байна. Үүний 87,6 хувь буюу 8000 гаруй нь ойрын газар хөдлөлт байгаа
юм. Мөн энэ онд Монгол орны нутаг дэвсгэр болон хил орчмоор магнитуд нь 3,5
–аас их буюу хүнд мэдрэгдэм чичирхийлэл 38 удаа бүртгэгдсэнээс зөвхөн Ховд
аймгийн нутаг дэвсгэрт хамаарах хүчтэй газар хөдлөлт 3 удаа боллоо.
Энэ оны 11
сарын 09-10-нд шилжих шөнө орон нутгийн цагаар 00 цаг 14 минутад Баян-Өлгий аймгийн Дэлүүн сумаас урд зүгт /Өргөрөг 47.64N, Уртраг 90.68E/ 25 км-ийн
зайд магнитуд
нь M=4.0-тэй /голомтондоо 5-6
балл/ газар хөдлөлт болж Ховд аймгийн
төвийн иргэдэд газар хөдлөлтийн чичиргээ мэдрэгдсэн. Тус газар хөдлөлтийн голомт Ховд аймгийн төвөөс 80км,
Ховд аймгийн Ховд сумаас 73км, Ховд аймгийн Дуут сумаас 68 км зайд байлаа.