Улаанбаатар
Хар тамхины наймааг биткойн мөнгөөр хийдэг этгээдүүдийг баривчлав
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Өнгөрөгч 11 дүгээр сарын 21-ний өдөр Гаалийн ерөнхий газар, Цагдаагийн ерөнхий газрын дэргэдэх Хар тамхитай тэмцэх газрын алба хаагчид хамтран шуудангаар хар тамхи оруулж ирдэг бүлэглэлийг үйлдэл дээр нь баривчилжээ. 18-21 насны 3 этгээд БНХАУ-аас олон улсын шуудангаар ирсэн шахмал хэлбэртэй метафетаминыг хүлээн авдаг байсан аж. Дээрх хар тамхи худалдан борлуулдаг байсан сэжигтэй этгээдүүдийг Шүүхийн шийдвэр гүйцэтгэх ерөнхий газрын харьяа Урьдчилан хорих 461-р ангид саатуулан шалгаж байгаа бөгөөд шалгалтын явцад хар тамхины төрлийн бодисыг онлайнаар захиалан авдаг байжээ. Мөн тэд тооцоогоо биткойн буюу цахим мөнгөөр хийдэг байсан нь тогтоогджээ. Хар тамхины наймааг интернет, олон улс дамжсан шуудан ашигладаг болжээ.
