Улаанбаатар
Хулгайлагдсан иргэдийн асуудалд Япон тууштай хандах хэрэгтэй гэв
ДЭЛХИЙН МЭДЭЭ | НИЙГЭМ
ТОКИО. /NHK/. “БНАСАУ-д
хулгайлагдсан Япон иргэдийн асуудал шийдэгдэх хүртэл БНАСАУ-д эдийн засгийн
дэмжлэг үзүүлэхгүй байх байр сууриа манай улс тууштай баримтлах хэрэгтэй” хэмээн Японы иргэн Каору Хасюки мэдэгджээ. Тэрбээр БНАСАУ-д хулгайлагдаж байсан япончуудын нэг бөгөөд 17 жилийн өмнө эх орондоо эргэн ирсэн байна.
“АНУ болон БНАСАУ-ын удирдагчдын дээд хэмжээний уулзалтыг
анхааралтай ажиглаж байгаа бөгөөд энэ уулзалтаас нааштай үр дүн гарна гэж найдаж
байна. Энэхүү уулзалт нь Япон, БНАСАУ-ын эрх баригчид хоорондын харилцааны чиг
шугамыг урьдчилан тодорхойлоход тус дөхөм болох юм” хэмээн тэрбээр “NHK” телевизэд ярилцлага өгөхдөө хэллээ.
Түүнчлэн тэрбээр БНАСАУ-д хулгайлагдсан Япон иргэдийн асуудлыг
шийдвэрлэхийн тулд зохих арга хэмжээ авах талаар бодож үзнэ үү гэж Ким
Жөн Унд уриалахыг Японы Засгийн газраас хүсчээ. Мөн энэ асуудалтай холбогдуулан БНАСАУ-д эдийн засгийн
туслалцаа үзүүлэх хувилбарыг Японы Засгийн газар ашиглах хэрэгтэй хэмээн Хасюки хэлжээ.
