Түмэн адуутай Зүүнхангай суманд “Адуучин” тэмцээн боллоо
ОРОН НУТГИЙН МЭДЭЭ | УВСУвс /МОНЦАМЭ/. 2018 оны жилийн эцсийн мал тооллогоор Зүүнхангай сумынхан адуун сүргээ арван мянгад хүргэж,
7 дугаар сард хоёр дахь удаагаа Түмэн адууны баяраа тэмдэглэх гэж байна. Энэ ажлын угтвар болгож энэ сарын 4-ний өдөр тус сумын Таравч хэмээх газарт “Адуучин” тэмцээн болж, есөн сумын 40 гаруй адуучин залуус оролцож, морь бугуйлдах, уурга шүүрэх, эмнэг булгиулах төрлөөр өрсөлдсөн байна.
Увс аймгийн ЗДТГ-аас Зүүнхангай сумын ЗДТГ болон МҮОНТ-ийн
MNB спорт суваг хамтран зохион байгуулсан уг
тэмцээний
тэргүүн байрт Баруунтуруун сумын адуучин Ж.Энхбаяр
шалгарчээ. Харин дэд
байрт Зүүнхангай сумын адуучин Б.Батхутаг,
3-р
байрт Баруунтуруун сумын адуучин Х.Хүрэлбат,
4-р байрт Өндөрхангай сумын адуучин Н.Бүрэнтогтох, 5-р байрт Өндөрхангай сумын адуучин Л.Баасанжаргал нар тус
тус шалгарсан байна. Тэмцээний
төрөл тус бүрт 1, 2, 3-р байр эзлүүлж, шалгарсан
адуучин залуусыг
шагнаж урамшуулжээ.
Энэ
жил Ханхөхийн нурууны араар зуншлага сайтай
байж, мал
сүрэг тарга тэвээрэг сайн авсан байна.