Ховд аймагт мал, махны үнэ буурчээ
ОРОН НУТГИЙН МЭДЭЭ | ХОВДХовд /МОНЦАМЭ/. Ховд аймагт энэ хавар мал, махны үнэ ханш өмнөх жилүүдтэй харьцуулахад өндөр байсан. Тэгвэл одоогийн байдлаар малын үнэ 30-40 орчим хувь, жижиглэнгийн махны үнэ 1000-2000 төгрөгөөр буурчээ.
Тухайлбал, Цагаан
морь зах дээр мал \амьд\ 250-260 мянган төгрөгийн үнэтэй байсан. Харин
одоо эр хонь 150-170 мянга, эм хонь
95-100 мянга, ямаа 90-110 мянган төгрөг
болж хямдарчээ.
Мөн аймгийн төв зах болон бусад захад жижиглэнгийн үхрийн мах кг нь 10-12 мянга, хонины мах 9-11 мянга, ямааны мах 8-9 мянга, тэмээний мах 7500 төгрөгийн үнэтэй байна.