Улаанбаатар
Өнөөдөр 3 жүдоч Токиогийн дэвжээнд хүчээ сорьж байгаагаас нэг нь ялагдлаа
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Жүдо бөхийн насанд хүрэгчдийн 2019 оны ДАШТ Япон улсын Токио хотноо 4 дэх өдрөө үргэлжилж байгаа бөгөөд өнөөдрийн байдлаар манай улсын баг тамирчдаас нэг хүрэл медальтан төрөөд байна.
Өнөөдөр манай гурван бөх барилдахаас эрэгтэйчүүдийн 81 кг-д Токиогийн “Их дуулга”-д түрүүлсэн Монголын анхны эрэгтэй жүдоч, Азийн аварга, улсын зургаан удаагийн аварга, ДАШТ-д хоёр ч удаа V байрт шалгарсан, үндэсний шигшээ баг, “Сүлд” спорт хорооны тамирчин, ОУХМ О.Ууганбаатар хүчээ сорино.
Харин эмэгтэйчүүдийн 63
кг-д Төв аймгийн Баянхангай сумын харьяат, ДАШТ-ий хүрэл медальт, гавьяат
тамирчин Б.Мөнгөнчимэг, Азийн АШТ-ий мөнгө, хүрэл медальт, УАШТ-д сүүлийн
дөрвөн жил дараалан түрүүлсэн Б.Ганхайч нар барилдана.
Тус тэмцээний эмэгтэйчүүдийн
63 кг-д хосоор нь сойсон манай хоёр бөхийн нэг Б.Мөнгөнчимэг эхний тойрогтоо
ялагдсан бол Б.Ганхайч Бразил бөх Кастилос-той таарч барилдан үндсэн цагт иппон
үнэлгээгээр өрсөлдөгчөө ялж шөвгийн 32-т шалгарлаа.
