Улаанбаатар
Өндөр хүчин чадалтай цас цэвэрлэх машиныг Хот тохижуулах газарт хүлээлгэн өглөө
ОРОН НУТГИЙН МЭДЭЭ | ОРХОН
Орхон /МОНЦАМЭ/ Орхон аймгийн гадаад харилцааны бодлогын хүрээнд Япон Улсын Токамчи хотын удирдлагууд олон үйлдэлт, өндөр хүчин чадалтай цас цэвэрлэх машиныг Хот тохижуулах газарт хүлээлгэн өглөө.
Энэ үеэр Хот тохижуулах газрын дарга Д.Оюунбаяр хэлэхдээ, “Манай байгууллагад хүлээлгэн өгсөн цасны машиныг Токамчи хотоос үнэ төлбөргүй өгсөн. Мөн Японы “Өвсний үндэс” хөтөлбөрөөс Монгол хүртэлх тээвэрлэлтийн зардлыг гаргасан. Цагт 40 км-ийн хурдтайгаар цасыг цэвэрлээд комбайн шиг хаядаг. Үүнийг ашигласнаар манай байгууллагын бүтээмж нэмэгдэх болно” гэлээ.
Хот тохижуулах газар өглөө таван цагаас цэвэрлэгээ, үйлчилгээндээ гардаг. Нийт 250
ажилчны 112 нь гудамж, талбайг цэвэрлэж цас орвол давс, хайрга цацах ажлыг
хийдэг байна. Цасны машинтай болсноор хөдөлмөрийн бүтээмж нэмэгдэж шуурхай
ажиллах боломжтой болж байгаа юм. Ташрамд дурдахад, Орхон аймгийн ЗДТГ 2016
оноос гадаад харилцаагаа өргөжүүлсний дүнд Японы Токамачи хотоос цас
цэвэрлэгээний машиныг үнэ төлбөргүй аваад байна.
