БНСУ-д халдварын шинэ тохиолдлын тоо гурван өдөр дараалан 60 давлаа

ДЭЛХИЙН МЭДЭЭ | ЭРҮҮЛ МЭНД
khulan@montsame.gov.mn
2020-07-05 12:50:45

СӨҮЛ. /Yonhap/. БНСУ-д бямба гарагт коронавирусний халдварын 61 шинэ тохиолдол бүртгэгдсэнээр халдвар авсан хүний нийт тоо 13091 боллоо гэж тус улсын Өвчинд хяналт тавих, урьдчилан сэргийлэх төв өнөөдөр мэдээлжээ.


БНСУ-д өдөрт бүртгэгдсэн халдварын шинэ тохиолдлын тоо сүүлийн гурван өдөр дараалан 60 давж буй нь энэ бөгөөд пүрэв, баасан гарагт тус тус халдварын 63 шинэ тохиолдол илэрчээ. БНСУ-д өнгөрсөн дөрөвдүгээр сараас хойш анх удаа өдөрт бүртгэгдсэн халдварын тохиолдлын тоо гурван өдөр дараалан 60 давсан байна.


Бямба гарагт шинээр илэрсэн тохиолдлуудын 43 нь дотоодод халдварласны 15 нь Гванжу хотод /Сөүл хотоос баруун өмнөд зүгт 330 километр зайд оршдог/, 14 нь Сөүл хотод, дөрөв нь Гёнги мужид бүртгэгджээ. 


Гванжу хотод сүүлийн өдрүүдэд Буддын сүмтэй холбоотой халдварын тохиолдлууд огцом нэмэгдэх болсон бөгөөд бямба гаргийн байдлаар “Gwangneuk” сүмтэй холбоотой нийт 61 тохиолдол илэрсэн байна.


БНСУ-д энэ сарын 4-ний байдлаар 11832 хүн буюу халдвар авсан хүний 90 гаруй хувь нь эдгэрсэн бол 283 хүн нас баржээ. Тус улсад өнгөрсөн нэгдүгээр сарын 3-наас хойш 1326055 хүнд коронавирусний шинжилгээ хийжээ. 

Холбоотой мэдээ