Улаанбаатар
"Токио цамхаг"-ийн дэргэд "Монголиа хаус" барина
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Токио-2020” олимпын наадмын үеэр буюу 2021 оны долдугаар сарын 22-ноос наймдугаар сарын 6-нд Японы нийслэл Токио хотын хамгийн олон мянган жуулчин цугладаг “Токио цамхаг”-ийн хажууд “Монголиан хаус” баригдана.
Олимпын цэнгэлдэхээс 15 минут явах уг цамхгийн дэргэд монгол гэр барих санаачилгыг Монголын үндэсний олимпын хороо /МҮОХ/-ны тэргүүн дэд ерөнхийлөгч, ОУОХ-ны гишүүн Б.Баттүшиг гаргасан юм.
Япон улсад
суугаа Элчин сайд Д.Батжаргалын хамт 2019 оны есдүгээр сарын 25-нд газар
түрээслэх гэрээнд гарын үсэг зуржээ. Монгол гэрийг энд барьснаар монгол брэндийн сурталчилгаа, загварын шоу, урлагийн
тоглолтууд “Токио цамхаг”-ийн хажууд болохоос гадна төрийн тэргүүн, ОУОХ-ны
гишүүд зочлох юм.
Өнөөдөр МҮОХ-ны маркетингийн комисс “Монголиа хаус”-ын танилцуулгыг МҮОХ-ны өмнөх талбайд хийж, “Эрдэнэс Монгол”, “E-Mart”, “МСS Кока кола” “Хаан банк" зэрэг байгууллага, компаниуд дэмжиж ажиллахаа илэрхийлсэн байна.
