Нэмэлт санал хураалт явуулсан гурван сумын хоёр хэсэгт нь АН-ын нэр дэвшигчид ялалт байгуулав
ОРОН НУТГИЙН МЭДЭЭ | ТӨВТөв /МОНЦАМЭ/. Аймаг,
нийслэл, сум, дүүргийн иргэдийн Төлөөлөгчдийн Хурлын 2020 оны сонгуулийн
дүнгээр Төв аймгийн гурван сумын гурван
хэсэгт нэр дэвшигчдийн санал тэнцсэн тул энэ сарын 25-ны өдөр нэмэлт санал
хураалт явууллаа.
Нэмэлт санал хураалтад Мөнгөнморьт сумын гуравдугаар багт 182 иргэн санал өгөхөөс 62 сонгогч буюу 34 хувь нь санал өгч МАН-ын нэр дэвшигч ялалт байгуулсан
бол Аргалант сумын хоёрдугаар багт санал өгөх 248 сонгогчоос 67 сонгогч буюу 27 хувь нь санал өгч АН-ын нэр дэвшигч ялалт
байгуулжээ. Харин Баянжаргалан сумын хоёрдугаар багт 105 иргэн санал өгөхөөс 33 сонгогч буюу 31.4 хувь нь санал өгч АН-ын нэр дэвшигч ялалт байгуулсан
байна.
Ийнхүү нэмэлт санал хураалт явуулсан дээрх гурван сумын хоёр хэсэгт нь АН-ын
нэр дэвшигчид ялалт байгууллаа.