Улаанбаатар
Их Британи “AstraZeneca” компанийн вакциныг бүртгэжээ
ДЭЛХИЙН МЭДЭЭ | ЭРҮҮЛ МЭНД
ЛОНДОН. /BBC/. Их Британи-Шведийн “AstraZeneca” компани Оксфордын их сургуулийн эрдэмтэдтэй хамтран гарган авсан коронавирусний вакциныг Их Британид хэрэглэхийг зөвшөөрчээ.
"Засгийн газар өнөөдөр “AstraZenecа” компани, Оксфордын их сургуулийн “COVID-19”-ийн вакциныг хэрэглэхийг зөвшөөрөх тухай эм, эрүүл мэндийн бүтээгдэхүүний хяналтын агентлагийн (MHRA) зөвлөмжийг баталлаа" гэж Их Британийн Эрүүл мэндийн яам мэдээлсэн байна. Ийнхүү тус улс уг вакциныг бүртгэсэн анхны орон боллоо.
Их Британийн эрх баригчид 350 сая тун коронавирусний вакцин худалдан авах гэрээг янз бүрийн үйлдвэрлэгчидтэй байгуулсан бөгөөд үүнээс 100 сая тунг нь "AstraZeneca" компаниас авах юм.
