БНСУ-руу нэмэлт нислэг үйлдэхээр боллоо

Монголын мэдээ | Хууль
sodonizm@gmail.com
2021-02-04 22:12:51

Улаанбаатар/МОНЦАМЭ/. Гадаад харилцааны яамнаас тавьсан хүсэлтийн дагуу, Улсын онцгой комиссын шийдвэрээр БНСУ руу энэ сарын 19-нд тусгай үүргийн нэмэлт нислэг хийхээр болжээ.


Тус нислэгээр зөвхөн БНСУ-аас нутаг буцах хүсэлтэй 250 иргэнийг татан авна. Ингэснээр энэ сард нийт таван удаагийн нислэгээр 1070 орчим иргэн эх орондоо ирэх юм.

Монгол Улсаас БНСУ-д суугаа Элчин сайдын яамны Консулын хэлтэст, өчигдрийн байдлаар 4932 иргэн эх орондоо буцах хүсэлтээ илэрхийлээд байгаа аж. Тэдний:

51 буюу 1.0 хувийг өндөр настан /асран хамгаалагчийн хамт/,

365 буюу 7.3 хувийг 0-18 насны хүүхэд /асран хамгаалагчийн хамт/,

58 буюу 1.2 хувийг жирэмсэн эх /асран хамгаалагчийн хамт/,

88 буюу 1.8 хувийг эрүүл мэндийн шалтгаантай иргэд /асран хамгаалагчийн хамт/,

6 буюу 0.1 хувийг хөгжлийн бэрхшээлтэй иргэд /асран хамгаалагчийн хамт/,

4364 буюу 88.5 хувийг хүндэтгэн үзэх бусад шалтгаантай иргэн эзэлж байна гэж УОК-ын Шуурхай штабаас мэдээллээ.

Холбоотой мэдээ