Гоёлын гэрэлтүүлгийг 53 сая төгрөгөөр суурилуулжээ

ОРОН НУТГИЙН МЭДЭЭ | ХӨВСГӨЛ
erdenechimeg@montsame.mn
2016-06-08 12:29:02

Хөвсгөл аймгийн Мөрөн хотын хэвтээ тэнхлэгийн гэрлийг орон нутгийн хөгжлийн сангийн  53 сая төгрөгөөр Нэмэх хасах компани энэ хавар хийж гүйцэтгэжээ.

Өнгөрсөн онд Мөрөн сумын хэвтээ тэнхлэгт мушгиа гэрэл суурилуулсан бол энэ хавар хэвтээ тэнхлэгт 30 гэрлийг суурилуулжээ. Гэвч бүтээн байгуулалтын ажил ид өрнөх үед эвдэх гэмтэл учруулах зэрэг хувь хүний ухамсартай холбоотой асуудал гарч байгаа учраас иргэдийг төрсөн нутгийнхаа бүтээн байгуулалтыг хүндэтгэн өөрийн эд хөрөнгө шиг хандахыг Хот тохижилт үйлчилгээний төвөөс уриалж байлаа.

Монгол орны аялал жуулчлалын тулгуур төв болсон Хөвсгөл аймгийг зорих гадна дотны жуулчдын тоо нэмэгдсээр байна. Ялангуяа нийслэлтэй засмал замаар холбогдсоноос хойш дотны жуулчдын тоо эрс нэмэгджээ. 

Хөвсгөл аймаг Б.Гантуяа 


 

Холбоотой мэдээ