Францад таван сая хүн вакцин хийлгэжээ
ДЭЛХИЙН МЭДЭЭ | ЭРҮҮЛ МЭНДПАРИС.
/ЛОНДОН/. Манай улсад вакцинжуулалтад хамрагдсан хүний тоо 5 саяд хүрсэн хэмээн
Францын Ерөнхий сайд Жан Кастекс мэдэгджээ.
“Одоогийн
байдлаар 5 сая иргэн вакцинжуулалтад хамрагдаад буй нь хүн амын 7 орчим хувийг
эзэлж байна. Иргэдээ хамгаалахын төлөө харамгүй сэтгэл гаргасан хүн бүхэнд
талархаж байна. Бид хамтдаа вирусыг ялна” хэмээн тэрбээр “Твиттер” хуудсандаа
тэмдэглэсэн байна.
Гэсэн ч Францад
халдварт өвчний нөхцөл байдал муудаж байгааг Кастекс өмнө нь Питье-Сальпетриер
эмнэлэгт зочлох үеэрээ мэдэгдсэн юм. Ялангуяа нийслэлийн Иль-де-Франс дүүрэгт
нөхцөл байдал даамжирч, эрх баригчид өвчтөнүүдийг эмчлүүлэхийн тулд өөр бүс
нутаг руу шилжүүлэхээс өөр аргагүйд хүрчээ.
Цар
тахал дэгдэж эхэлснээс хойш халдварын нийт 4 045 319 тохиолдол Францад
бүртгэгдэж өвчний хүндрэлийн улмаас 90 315 хүн нас баржээ. Сүүлийн долоо хоногт 9.6 мянга гаруй хүн эмнэлэгт хүргэгдсэн байна.