Улаанбаатар
УИХ-ын гишүүн Г.Ганболдыг Сонгогчийн нэрсийн жагсаалт, бүртгэлийн хяналтын дэд хороонд оруулав
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УИХ-ын чуулганы өнөөдрийн хуралдаанаар, Сонгогчийн нэрсийн жагсаалт, бүртгэлийн хяналтын дэд хорооны бүрэлдэхүүнд өөрчлөлт оруулах тухай тогтоолыг баталлаа.
Тогтоолд, тус дэд хорооны бүрэлдэхүүнээс УИХ-ын гишүүн С.Амарсайханыг Шадар сайдаар томилогдсонтой холбогдуулан чөлөөлж, оронд нь УИХ-ын гишүүн Г.Ганболдыг томилохоор тусгажээ. УИХ-ын Төрийн байгуулалтын байнгын хорооны энэ сарын 24-ний хуралдаанаар тогтоолын төслийг дэмжсэн талаарх санал, дүгнэлтийг УИХ-ын гишүүн М.Оюунчимэг танилцуулав.
Байнгын хорооны санал, дүгнэлттэй холбогдуулан асуулт асууж хариулт авах гишүүн байгаагүй тул санал хураав. Хуралдаанд оролцсон гишүүдийн олонх, тогтоолын төслийг батлахыг дэмжлээ.
