Улаанбаатар
Иргэний шилжилт хөдөлгөөнийг энэ сарын 10-ны өдрөөс түр зогсооно
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/. Монгол Улсын Ерөнхийлөгчийн ээлжит
сонгуулийн санал авах өдрийг 2021 оны зургадугаар сарын 9-ний өдөр зохион
байгуулахаар УИХ-аас тогтоосон. Мөн Ерөнхийлөгчийн сонгуулийн тухай хуулийн 25.1 дэх хэсэгт
“Иргэний шилжилт хөдөлгөөнийг санал авах өдрөөс 60 хоногийн өмнө зогсоож, энэ
хуулийн 72.2-т заасны дагуу сонгуулийн дүнг нийтэд мэдээлсний дараах өдрөөс
сэргээнэ” гэж заасан байдаг. Иймд иргэн засаг захиргааны нэг нэгжээс нөгөө нэгжид шилжин
суурьших хөдөлгөөнийг дөрөвдүгээр сарын 10-ны өдрөөс эхлэн түр зогсоож,
сонгуулийн дүнг нийтэд мэдээлсний дараах өдрөөс буюу зургадугаар сарын 10-наас
сэргээх ажээ.
Сонгогчдын нэрсийн жагсаалт https://burtgel.gov.mn цахим хаягт байршсан. Сонгогчид өөрийн байнга оршин суугаа
хаягийн бүртгэлтэй иргэдийн мэдээллийг шалгаж нягтлах боломжтой гэж аймгийн Улсын бүртгэлийн хэлтсийн
дарга М.Хувьзаяа мэдэгдлээ.
