Соёлын сайд Ч.Номин БНАСАУ-ын Элчин сайдтай уулзав

МОНГОЛЫН МЭДЭЭ | СОЁЛ УРЛАГ
boloroo8136@gmail.com
2021-10-25 16:50:43

Улаанбаатар /МОНЦАМЭ/. Монгол Улсын Соёлын сайд, Монгол Улс-БНАСАУ-ын Засгийн газар хоорондын зөвлөлдөх Комиссын Монголын хэсгийн дарга Ч.Номин БНАСАУ-аас Монгол Улсад суугаа Элчин сайд О Сын Хо, Элчин зөвлөх Хан Чол Мин, Эдийн засаг, худалдааны зөвлөх Хан Жөн Гю нарыг өнөөдөр хүлээн авч уулзлаа.


Уулзалтаар Элчин сайд О Сын Хо Монгол, БНАСАУ-ын Эдийн засаг техникийн хамтын ажиллагааны Засгийн газар хоорондын зөвлөлдөх Комиссын хуралдаан зохион байгуулах асуудлыг хөндөж, цар тахлын дараа ээлжит хуралдааныг Улаанбаатар хотод зохион байгуулах санал дэвшүүлэв.

Соёлын сайд Ч.Номин Монгол, БНАСАУ-ын Эдийн засаг техникийн хамтын ажиллагааны Засгийн газар хоорондын зөвлөлдөх Комиссын Монголын хэсгийн даргаар томилогдон ажиллаж байгаа бөгөөд хоёр улсын хамтын ажиллагааг өргөжүүлэх чиглэлээр санал солилцлоо гэж Соёлын яам мэдээллээ.


Холбоотой мэдээ