Толбо сумын төвд хатуу хучилттай авто зам тавина
ОРОН НУТГИЙН МЭДЭЭ | БАЯН-ӨЛГИЙБаян-Өлгий
/МОНЦАМЭ/. Баян-Өлгий аймгийн Толбо сумын төвд улсын төсвийн 2 тэрбум 976 сая
төгрөгөөр 2.31 км урттай авто замыг явган хүний зам, гэрэлтүүлгийн хамт тавина.
Бүтээн байгуулалтын
ажлын тендерийг энэ сарын 18-ны өдөр зарласан байна.
Төлөвлөж буй зам
нь сумын төвийн дундуур зүүн урагш чиглэн явж, ШТС-аас цааш 300 м үргэлжлэх
1113 м урттай төв зам болон энэ замаас салаалсан 5 хэсэг тосгоны гудамж замуудаас
бүрдэнэ.
Зам барихад энэ
жил 1,3 тэрбум төгрөг хуваарилжээ. Харин үлдсэн санхүүжилтийг ирэх оны төсөвт
суулгах аж.