Шатрын улсын аварга шалгаруулах шигшээ тэмцээнд 24 шатарчин өрсөлдөнө

МОНГОЛЫН МЭДЭЭ | СПОРТ
dusem11@yahoo.com
2022-03-22 13:27:38

Улаанбаатар /МОНЦАМЭ/. Насанд хүрэгчдийн шатрын 2022 оны улсын аварга шалгаруулах эрэгтэйчүүдийн 60, эмэгтэйчүүдийн 52 дахь удаагийн шигшээ тэмцээн 5 дугаар сарын 12-22-нд Хэнтий аймагт зохион байгуулна.


Тус тэмцээний хагас шигшээ шатны тэмцээн 3 дугаар сарын 15-20-нд Улаанбаатарын SPS BUILDING төвд амжилттай болж, шигшээ тэмцээний эрхийг 22 тамирчин авсан билээ. Тэмцээний эрэгтэй ангилалд 76, эмэгтэй ангилалд 60 нийт 136 шилдэг шатарчин оюун ухаан, ур чадвараа сорин өрсөлдсөн юм.


Монголын шатрын холбоо /МШХ/-ны ерөнхий нарийн бичгийн дарга Ц.Батсайхан, ерөнхий менежер М.Гүнбаяр МШХ-ны Удирдах зөвлөлийн нарийн бичгийн дарга Ч.Баттүвшин тус тэмцээний ангилал бүрийн эхний 5 байрыг эзэлсэн тамирчдыг мөнгөн шагнал гардуулж, шигшээ тэмцээнд өрсөлдөх батламжийг гардуулсан.


Эрэгтэй ангилалд:

1.FM Э.Энхнар                                    8.0 оноо

2.FM Г.Амартүвшин                           7.5 оноо

3.GMЦ.Батчулуун                               7.5 оноо

4.GM С.Билгүүн                                  7.5 оноо

5.GM Д.Батсүрэн                                7.5 оноо

6.FM М.Амилал                                  7.5 оноо

7.IM Н.Батттулга                                 7.5 оноо

8.GM Б.Гүндаваа                                7.5 оноо

9.IM С.Ган-Эрдэнэ                                7.5 оноо

10.GM Г.Мөнхгал                               7.5 оноо

11.FM Э.Болдоо                                 7.5 оноо



Эмэгтэй ангилалд:

1.IM  Б.Мөнгөнтуул                            9.0 оноо

2.WIM Т.Мөнхзул                                9.0 оноо

3.WFM Д.Мөнхзул                              8.5 оноо

4.WIM Б.Баярмаа                               8.0 оноо

5.WCM Б.Мөнгөнзул                          8.0 оноо

6.WCM Б.Аминэрдэнэ                        7.0 оноо

7.WGM А.Энхтуул                               7.0 оноо

8.CM    Т.Номиндалай                        7.0 оноо

9.        М.Цэцэнбилэг                          7.0 оноо

10.WFM Б.Ану                                    7.0 оноо

11.FM    Э.Хулан                                 7.0 оноо

Энэ тамирчид ангилал бүрдээ эхний 11 байрыг эзэлж насанд хүрэгчдийн 2022 оны улсын аварга шалгаруулах шигшээ тэмцээнд оролцох эрхээ авсан юм.


Шигшээд шалгарсан 22 шатарчнаас гадна 2019 оны насанд хүрэгчдийн улсын аваргууд болох IM Ү.Агьбилэг, FM Б.Алтантуяа нар нэмэгдэж эрэгтэй, эмэгтэй ангилалд тус бүр 12 шатарчин Монгол Улсын 2022 оны аварга цолны төлөө өрсөлдөх юм.

Холбоотой мэдээ