Улаанбаатар
Ойрын зайг ямайк бүсгүйчүүд, америк залуус эзэгнэж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. "Орегон-2022" хөнгөн атлетикийн дэлхийн аварга шалгаруулах тэмцээний долоо дахь өдөр хамгийн сонирхолтой төрлүүдийн нэг 200 метрийн эмэгтэй болон эрэгтэй финал явагдлаа.
Ямайкийн " Их гурвал" буюу Олимпийн гурван алт, 4
мөнгө, нэг хүрэл, ДАШТ-ий 10 алт, хошой мөнгөн медальт Ямайкийн Шелли-Энн
Фрайзер Прайс, Олимпийн таван алт, нэг
мөнгө, ДАШИ-ий алт, мөнгө, хүрэл медальт Элайн Томпсон-Хера, Олимпийн алт,
мөнгө гурван хүрэл медальт, дэлхийн хошой аварга, ДАШТ-ий мөнгө, гурван хүрэл
медальт Ямайкийн Шерика Жексон. Энэ 3 тамирчин хэдхэн хоногийн өмнө 100
метрт алт, мөнгө, хүрэл медаль хүртэж, шагналыг тавцанг ямайк бүсгүйчүүд
эзэгнэсэн билээ.
Өнөөдөр ч гурвуулаа бас дахиад медаль авахад гайхах зүйлгүй.
Тэдний гол өрсөлдөгч нь 2019 оны дэлхийн аварга, Их Британий Дина Ашер-Смит. Мөн Швейцарийн ДАШТ-ий
хүрэл медальт Мужинга Камбунчиг дурьдаж болох юм.
Гараанаас Шелли тэргүүлэн гарсан, Жэксон чац мөчний илүүг
ашиглан гайхашигтай финиш хийж , 21.45 сек хурдалж ДАШТ-ий рекордыг шинэчилж,
ганцаарчилсан төрөлд анхны ДАШТ-ий алтан медалиа хүртлээ.
Түүний араас Шелли -Энн Фрайзер-Прайс 21.81 сек амжилтаар мөнгөн
медаль зүүлээ. Хүрлийг дэлхийн аварга , Их Британийн Ашер Смит 22.02 сек
амжилтаар хүртлээ.
Эрэгтэйчүүдийн ойрын зайг АНУ-ын гүйгчид эзэгнэсээр байна. Торуулбал, 100 метрт АНУ-ын Ф.Керли, М.Брэси, Т.Бромель нар алт, мөнгө, хүрэл медаль хүртсэн бол дөнгөж сая, 200 метрт бас АНУ-ын гурав эхний гурван байрыг эзэллээ. Тухайлбал Ноа Лайлз 19.31 сек-ээр алтан медаль авч дэлхийн аварга цолоо хамгаалсан бол Кеннет Беднарик 19.77 секунд гүйж мөнгө, Эррион Найтон 19.80 сек гүйж хүрэл медаль тус тус хүртэв.
Ийнхүү "Орегон-2022" ДАШТ-ойрын зайд буюу спринт
гэгддэг 100 болон 200метрийн уралдаанд Ямайкийн бүсгүйчүүд 2 алт, 2 мөнгө, 1 хүрэл
нийт 6 медалиас 5 медаль хүртсэн бол АНУ-ын эрчүүд 6-гаас 6 гэсэн супер амжилт үзүүллээ” хэмээн АНУ-аас спортын сэтгүүлч Ц.Энхтүвшин /Таван цагариг сонин/ мэдээллээ.
