МАН-ын II Бага хурал ирэх сарын 6-нд болно
МОНГОЛЫН МЭДЭЭ | УЛС ТӨРУлаанбаатар /МОНЦАМЭ/. МАН-ын Удирдах зөвлөл өнөөдөр хуралдаж, намын II Бага хурлыг 2022 оны арванхоёрдугаар сарын 6-нд хуралдуулахаар тогтжээ.
МАН-ын Хяналтын ерөнхий хорооны дарга Б.Баярбаатар энэ тухайд “2021 оны арванхоёрдугаар сарын 6-нд XXX их хурлаа хуралдуулж, холбогдох тогтоолуудыг баталсан. Үүнээс нэг жилийн дараа буюу 2022 оны арванхоёрдугаар сарын 6-нд МАН-ын Бага хурлын хоёрдугаар хуралдааныг хуралдуулахаар боллоо.
Тус Бага хурлаар МАН-ын даргын өнгөрсөн нэг жилийн хугацааны улс төрийн илтгэл, Ерөнхий нарийн бичгийн даргын намын үйл ажиллагааны тайлан илтгэл, Хяналтын ерөнхий хорооны мэдээлэл, УИХ-ын дарга Г.Занданшатарын 2023 онд хэрэгжүүлэх эрх зүйн шинэтгэл гэсэн асуудлыг хэлэлцэхээр тогтсон" гэлээ.