Улаанбаатар
Сэлбэ голын 16480 тонн мөсийг тээвэрлэжээ
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2024 оны хоёрдугаар сарын 21 /МОНЦАМЭ/. Сэлбэ голын урсацыг сайжруулах, шар усны үерийн эрсдэлээс сэргийлэх зорилгоор энэ сарын 15-наас эхлэн тус голын мөсийг зөөж эхэлсэн билээ.
Одоогийн байдлаар нийт зургаан экскаватор, 21 хово, нэг бобкат, нэг портер, нэг ковш техниктэйгээр ажиллаж, өнөөдрийн байдлаар 824 рейсээр 16480 тонн мөсийг зөөж тээвэрлэн, Туул голын сав газарт буулгасан байна.
Нийслэлийн
33 байршилд халиа тошин үүсэж, шар усны үер болох эрсдэл бий болсон тул эхний
ээлжид Сэлбэ, Толгойт гол болон Дэнжийн мянга орчмын 10 байршлын 25 км орчим
газрын мөсийг зөөж тээвэрлэхээр төлөвлөжээ.
