ӨВӨРХАНГАЙ: "Гэгээрсэн хүмүүсийн цэцэг" Бат-Өлзийд элбэг ургажээ

batchimeg@montsame.mn

2024-08-15 11:38:27

Арвайхээр, 2024 оны наймдугаар сарын 15 /МОНЦАМЭ/. Шар удвал буюу Жамъянмядаг цэцэг нь ойт хээрийн бүслүүр, сөөгөн ширэнгэ, өндөр уулын нугад ургадаг. Энэ жил Өвөрхангай аймгийн Бат-Өлзий сумын нутаг, Өвт хайрханд их хэмжээгээр ургасан байна.

Урт иштэй, хурц шар өнгийн энэ цэцгийг бумбанд хийж, бурханы өмнө тавихад багцанд багтсан цэцгийн тоогоор зул өргөсөнтэй тэнцэх хэмжээний буян хураадаг хэмээн хууччуул ярьдаг. Бурханы шашинт орнуудад “Гэгээрсэн хүмүүсийн цэцэг” хэмээн нэрлэх нь бий.

Тиймээс зарим сүсэгтнүүд уг цэцгийг тасалж авахаас цэрвэж, мөргөдөг агаад ихэнхдээ хутагт, хувилгаад олноор төрдөг нутагт элбэг ургадаг. Хэрэв их хэмжээгээр ургавал тухайн нутаг оронд оюун ухаан, билгийн мэлмий нь нээгдсэн гэгээнтэн төрнө хэмээн бэлгэшээдэг ажээ.

Мөн цус хямарсан болон аливаа хатгалгааг эмчлэхэд тустай байгалийн эмч хэмээн уламжлалт анагаах ухаанд тэмдэглэсэн байна. Жамьянмядаг нь холтсон цэцэгтний овгийн нэгэн төрөл юм. Энд 30 орчим зүйл ургамал багтдаг.

ӨВӨРХАНГАЙ: "Гэгээрсэн хүмүүсийн цэцэг" Бат-Өлзийд элбэг ургажээ

Холбоотой мэдээ

ӨВӨРХАНГАЙ: Ц.Алтангэрэл Үндэсний бичгээ төмөр, мод, эсгий, даавуун дээр бичиж, нааж, оёж байна

ӨВӨРХАНГАЙ: Эрүүл мэндийн сайд нэн шаардлагатай тоног төхөөрөмжүүдийг шийдвэрлэлээ

Ц.Алтангэрэл: Үндэсний бичгээ төмөр, мод, эсгий, даавуун дээр бичиж, нааж, оёж үзлээ

ӨВӨРХАНГАЙ: Камерын тусламжтайгаар 520 гэмт хэрэг, зөрчлийг шуурхай илрүүлжээ

ӨВӨРХАНГАЙ: Малын тоо толгойн албан татварыг ямаанд өндөр ногдуулжээ

ӨВӨРХАНГАЙ: Хөтөлбөрийн хүрээнд 45 малчин өрх “Аймгийн аварга үхэрчин” болжээ

ӨВӨРХАНГАЙ: Гацуур модонд мянга гаруй хүүхэд хүслээ бичиж үлдээжээ

ӨВӨРХАНГАЙ: Он солигдох өдрүүдэд таван охин, нэг хүү төржээ

ӨВӨРХАНГАЙ: Нийтийн эзэмшлийн зарим талбайг интернэтийн чөлөөт бүс болголоо

бидэнтэй нэгдэх

Хандалт