Улаанбаатар
Хүний эрх, эрх чөлөөг хамгаалахтай холбоотой хяналтын сонсгол болно
МОНГОЛЫН МЭДЭЭ | УЛС ТӨР
Улаанбаатар, 2024 оны аравдугаар сарын 10 /МОНЦАМЭ/. УИХ-ын Хууль зүйн байнгын хорооноос хүний эрх, эрх чөлөөг хамгаалахтай холбоотой “Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт” сэдэвт хяналтын сонсголыг ирэх сарын 20-нд зохион байгуулна.
Хяналтын сонсгол даргалагчаар УИХ-ын гишүүн П.Сайнзориг
ажиллах юм. Сонсголд оролцох хүсэлтэй иргэн, хуулийн этгээд, хэвлэл мэдээллийн
байгууллага, олон нийтийн байгууллагын төлөөллүүд оролцогчийн бүртгэлийн хуудсыг бөглөж, ирэх
сарын 15-ны өдрийн 17.00 цагаас өмнө sonsgol@parliament.mn имэйл
хаягаар хүргүүлэх аж.
УИХ-ын гишүүн Ж.Баярмаа нарын 22 гишүүнээс УИХ-ын даргад
хандан Хүний эрх, эрх чөлөөг хангахтай холбоотой хяналтын сонсголыг зохион
байгуулах тухай хүсэлтийг энэ оны наймдугаар сарын 6-нд хүргүүлсэн юм.
