Улаанбаатар
СЭЛЭНГЭ: Оны онцлох хүүхдүүдээ тодрууллаа
ОРОН НУТГИЙН МЭДЭЭ | СЭЛЭНГЭ
Сүхбаатар, 2024 оны арванхоёрдугаар сарын 30 /МОНЦАМЭ/. Сэлэнгэ аймаг оны онцлох
хүүхдүүдээ оюун ухаан, сурлага, урлаг, уран бүтээл, биеийн тамир, спорт, байгаль
хамгаалал, монгол ёс, түүх, соёлыг өвлөн уламжлагч, хүмүүнлэг энэрэнгүй, сайн
үйлстэн, хүүхдийн оролцооны байгууллагын манлайлагч хүүхэд, техник сэтгэлгээ,
шинэ санаачилга, багийн амжилт гэсэн 10 төрлөөр 32 дахь жилдээ тодрууллаа.
Хүүхдийн
хөгжих, нийгмийн амьдралд оролцох, тэдний гаргасан амжилт, ололтыг алдаршуулах,
нийгэмдээ үлгэр дуурайлал болгох зорилго дор тухайн жилд үндэсний болон олон улс, тив
дэлхийн түвшинд амжилт
гаргасан хүүхдүүдээ шагнаж урамшуулдаг уламжлалтай.
Энэ удаа Сэлэнгэ аймгийн хэмжээнд 90 хүүхэд нэр дэвшиж, онцгой амжилт гаргасан, эх орноо сурталчилж, үе тэнгийнхнээ манлайлсан 21 шилдэг тэргүүний хүүхдүүд шалгарч, шагналын эзэд боллоо.
