Улаанбаатар
АРХАНГАЙ: Урдтамир голд харз гүйх үзэгдэл зонхилж байна
ОРОН НУТГИЙН МЭДЭЭ | АРХАНГАЙ
Эрдэнэбулган, 2025 оны нэгдүгээр сарын 2 /МОНЦАМЭ/. Архангай аймгийн УЦУОШТ-өөс гол, нууруудын мөсний үзэгдэл, зузааны мэдээг гаргажээ.
Хангайн нурууны арын Хануй, Чулуут, Суман, Хойттамир, Урдтамир зэрэг голын мөсний зузаан 12 дугаар сарын хоёрдугаар арав хоногоос 5-40 см зузаарч, 15-75 см зузаан мөстэй болжээ.
Хангайн нурууны арын дээрх голуудын мөсний зузааныг олон жилийн дундаж болон өмнөх оны мөн үетэй харьцуулахад 5-50 см бага байгааг мэдээллээ.
Тэрхийн цагаан, Өгий нууруудын мөсний зузаан 20 см нэмэгдэж, 60-80 см зузаантай болсон нь 2023 оны мөн үеэс 5-20 см нимгэн олон жилийн дунджаас 10 см орчим ахиу зузаантай байна.
Харин хэдий өвлийн адаг сар гарч, хоёр дахь ес эхэлсэн энэ үед Урдтамир голд харз гүйх үзэгдэл зонхилон ажиглагдаж байна.
