Улаанбаатар
СЭЛЭНГЭ: Хүйтний эрч эрс чангарна
ОРОН НУТГИЙН МЭДЭЭ | СЭЛЭНГЭ
Сүхбаатар, 2025 оны хоёрдугаар
сарын 4 /МОНЦАМЭ/.
Сэлэнгэ аймгийн нутгаар маргааш салхи хойноос
секундэд 10-15 метр хүрч цасан шуурга шуурна.
Хоёрдугаар сарын 6-наас бүх сумын
нутгаар хүйтний эрч чангарахыг Сэлэнгэ аймгийн УЦУОШТ-өөс мэдээллээ.
Маргаашийн 20.00 цаг хүртэлх
цаг агаарын урьдчилсан мэдээгээр нийт нутгаар үүлшинэ. Цас орно.
Салхи хойноос секундэд 10-15 метр, зарим үед түр зуур ширүүсч секундэд 16-18
метр хүрч цасан шуурга шуурна.
Агаарын температур шөнөдөө -19-24
градус, өдөртөө -15-20 градус хүйтэн байна.
Аймгийн төв Сүхбаатар хот орчмоор
үүлшинэ. Цас орохгүй. Салхи хойноос секундэд 10-15 метр. Агаарын температур
шөнөдөө -19-21 градус, өдөртөө -16-18 градус хүйтэн байна.
Хоёрдугаар сарын 6-10-ныг
хүртэлх 5 хоногийн цаг агаарын урьдчилсан мэдээгээр 10-нд зарим сумын нутгаар
бага зэргийн цас орно. Бусад хугацаанд цас орохгүй. Салхи ихэнх хугацаанд
баруун хойноос секундэд 4-9 метр хүрнэ.
Агаарын температур хүйтэрч
Орхон, Сэлэнгэ, Хараа, Ерөө голын сав газраар шөнөдөө -35-40 градус, өдөртөө
-24-29 градус, бусад сумдын нутгаар шөнөдөө -30-35 градус, өдөртөө -18-23
градус хүйтэн байна.
