Алслагдсан сумын иргэдэд ахуйн үйлчилгээ үзүүлнэ
ОРОН НУТГИЙН МЭДЭЭ | ДОРНОДДорнод аймгийн Засаг даргын захирамжаар “Ахуйн үйлчилгээ-2016” сарын аян явагдаж тус аймагт өрнөж байна. Тус уг аяны хүрээнд аймгийн ЗДТГ, ахуйн үйлчилгээний салбарын мэргэжлийн холбоод хамтран алслагдсан сумын иргэдэд явуулын ахуйн үйлчилгээ үзүүлж эхэллээ.
“Явуулын ахуйн үйлчилгээ”-ний хоёр баг энэ сарын 10-14-ний өдрүүдэд Чулуунхороот, Гурванзагал, Матад Халхгол сумдад ажиллаж, гэрэл зураг, үсчин гоо сайхан, оёдол, гутал засвар, захиалга, гар утас, цаг засвар, алт мөнгөний дархан, авто оношлогоо зэрэг ахуйн бүхий л төрлийн үйлчилгээ үзүүлэх юм байна. Дорнод аймаг 14 сумтайгаас эдгээр сумд хамгийн холынх нь юм.
Б.Туяа