Ерөнхийлөгч Ц.Элбэгдорж, ХБНГУ-ын холбооны Ерөнхийлөгч И.Гаук нар ганцаарчилсан уулзалт хийв

МОНГОЛЫН МЭДЭЭ
ariunbold@montsame.gov.mn
2015-10-15 13:24:31

ХБНГУ-ын холбооны Ерөнхийлөгч Иоахим Гаукыг Их эзэн Чингисийн талбайд блбан ёсоор угтах ёслолын дараа хоёр улсын Ерөнхийлөгч Төрийн ёслол хүндэтгэлтийн гэр өргөөнд ганцаарчилсан уулзалт хийлээ.

Уулзалтын үеэр Холбооны Ерөнхийлөгч И.Гаукийн энэхүү айлчлал Монгол Улсад ардчилсан, анхны чөлөөт сонгууль явуулсны 25 жилийн ой, баруун, зүүн хоёр Герман нэгдэж ХБНГУ байгуулагдсаны 25 жилийн ой тохиож буй 2015 онд хэрэгжиж буйгаараа онцлог юм гэдгийг талууд тэмдэглэж байв. ХБНГУ нь Монголын ардчиллыг анхнаас нь дэмжсэн орны нэг бөгөөд Европ дахь гол түнш юм.

Хоёр орны хооронд уламжлалт найрсаг харилцаа, хамтын ажиллагаа гүнзгийрэн хөгжиж байгаа талаар Монгол Улсын Ерөнхийлөгч, ХБНГУ-ын холбооны Ерөнхийлөгч нар ганцаарчилсан уулзалтын үеэр тэмдэглэн ярилцлаа.

Холбоотой мэдээ