Улаанбаатар
Бага насны хүүхдэд олгох эмийн жагсаалт эцэслэн гараагүй гэв
МОНГОЛЫН МЭДЭЭ | ЭРҮҮЛ МЭНД
Агаарын бохирдлын оргил үе эхэлсэнтэй холбогдуулан 0-5 хүртэлх насны хүүхдэд 11 төрлийн эм үнэгүй олгох тухай асуудлыг эцэслэн шийдвэрлээгүй байгаа талаар ЭМЯ-наас мэдэгдэв.
Зарим хэвлэл мэдээллийн хэрэгслээр 0-5 хүртэлх насны хүүхдэд олгох 11 нэр төрлийн эмийн жагсаалт, санхүүжилт зэргийн талаар мэдээлэл гарсан. Одоогоор ЭМЯ болон ЭМНДЕГ-аас олгох эмийн жагсаалт, санхүүжилт зэргийг шийдвэрлээгүй байгаа юм. Тиймээс хэвлэл мэдээллийн хэрэгслээр гарсан эмийн нэрсийн жагсаалт үндэслэлгүй аж. Эмийн жагсаалт гарсан даруйд олон нийтэд мэдээлэх юм.
Ч.Ариунболд
