Улаанбаатар
Дүрвэгчдийг дэмжихийг НҮБ-ын тэргүүн уриалж байна
ДЭЛХИЙН МЭДЭЭ | УЛС ТӨРНҮБ. /Xinhua/. Цагаачид болон дүрвэгчдийг АНУ-д нэвтрүүлэхгүй байх тухай зарлигийг Ерөнхийлөгч Дональд Трамп гаргасны улмаас дэлхий дахинд үймээн үүсээд байгаатай холбогдуулан дүрвэгчдийг дэмжихэд нэгдэхийг НҮБ-ын Ерөнхий нарийн бичгийн дарга Антонио Гутерриш уриаллаа.
АНУ-д дүрвэгчдийг нэвтрүүлэхийг түр хориглохыг Д.Трамп өнгөрсөн долоо хоногт үүрэг болгосны дараа Америкийн нисэх онгоцны буудлуудад зорчигчдыг баривчилж, олныг хамарсан эсэргүүцлийн жагсаал болсоор байна.
НҮБ-ын тэргүүн өчигдөр мэдэгдэл хийхдээ “энэ хоригийг террорист суртал нэвтрүүлэг болгон ашиглаж болзошгүй” гэж анхааруулав.
Энэ сарын сүүлчээр тэрбээр Германд айлчилж, “Их-20” бүлгийн гишүүн улс орнуудын Сангийн сайд нарын уулзалтад оролцох аж.
Айлчлалын үеэр тэрбээр Германы Канцлер Ангела Меркельтэй уулзаж, дүрвэгчдийн асуудлыг хэлэлцэхөөр төлөвлөжээ.
Г.Доржханд
