Улаанбаатар
130 гаруй горхи, булаг шанд ширгэжээ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Архангай аймаг нь Хангайн нурууны салбар уулсаар хүрээлэгдсэн, гол горхи, булаг шанд ихтэй аймгуудын тоонд ордог. Гэсэн хэдий ч сүүлийн хуурайшилттай хэдэн жилийн хугацаанд мөн хүний буруутай үйл ажиллагааны улмаас голын урсац багасч, зарим горхи, булаг шанд, нуур цөөрөм 2 жил тутамд 1-2 тоогоор ширгэсээр байгааг мэргэжлийн хүмүүс хэлж байна.
2016 онд аймагт усны тооллого явуулжээ. Тооллогоор аймгийн хэмжээнд 832 гол горхи, 849 булаг шанд, рашаан, 222 нуур цөөрөм гээд нийт 1903 байгалийн ус бүртгэгдсэн байна. Харин 36 гол горхи, 75 булаг шанд, 21 нуур цөөрөм ширгэсэн гэсэн дүн мэдээ гарчээ.
Сүүлийн гурван жилээс гол горхины урсац, булаг шанд, нуур усны ундаргыг сайжруулах чиглэлээр ажлууд нэлээд хийгдсэн. Тухайлбал, Өгийнуурын баруун хойд талд 3000-аад мод бут, гол горхины эхэнд болон ойд нөхөн сэргээлт хийж мод тарьсан зэрэг олон ажлууд бий.
Улсын хэмжээнд усны тооллогыг жил бүр хийдэг бөгөөд Архангай аймагт 2017 оны усны тооллогыг байгаль орчин хамгаалах сангийн зардлаар энэ зун хийхээр төлөвлөжээ.
2016 онд аймагт усны тооллого явуулжээ. Тооллогоор аймгийн хэмжээнд 832 гол горхи, 849 булаг шанд, рашаан, 222 нуур цөөрөм гээд нийт 1903 байгалийн ус бүртгэгдсэн байна. Харин 36 гол горхи, 75 булаг шанд, 21 нуур цөөрөм ширгэсэн гэсэн дүн мэдээ гарчээ.
Сүүлийн гурван жилээс гол горхины урсац, булаг шанд, нуур усны ундаргыг сайжруулах чиглэлээр ажлууд нэлээд хийгдсэн. Тухайлбал, Өгийнуурын баруун хойд талд 3000-аад мод бут, гол горхины эхэнд болон ойд нөхөн сэргээлт хийж мод тарьсан зэрэг олон ажлууд бий.
Улсын хэмжээнд усны тооллогыг жил бүр хийдэг бөгөөд Архангай аймагт 2017 оны усны тооллогыг байгаль орчин хамгаалах сангийн зардлаар энэ зун хийхээр төлөвлөжээ.
Б.Гэрэлт-Од
