УИХ-аас утаа бууруулах асуудлыг судлах ажлын хэсэг байгуулна
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УИХ-ын чуулганы өнөөдрийн хуралдаан эхэллээ.
Үндэсний эрх чөлөө, тусгаар тогтнолоо сэргээсний баярын өдрийг маргааш орон даяар тэмдэглэхтэй холбогдуулж, Ерөнхийлөгч Х.Баттулга үг хэлсэн юм. Үүний дараа УИХ-ын дарга М.Энхболд хэлэлцэх асуудлын жагсаалтыг танилцуулав. Хэлэлцэх асуудалтай холбогдуулж, УИХ-ын гишүүн Л.Оюун-Эрдэнэ, “УИХ, Засгийн газар, Ерөнхийлөгч нэгдээд томоохон асуудлууд дээр шийдэл гаргамаар байна. Тухайлбал, он гараад хаалттай горимоор Засгийн газрын мэдээллийг чуулганаар бүтэн өдөр сонсох хэрэгтэй. Олон улсын зээл тусламж хэрхэн зарцуулагдаж байгааг ч хянах нь зүйтэй. Нэг хуралдаан дээр 20 асуудал хэлэлцэхээр оролцогчид нь санал хэлсэн болоод тардаг. Тиймээс зөвхөн нэг асуудал хэлэлцэж, оновчтой гарц гаргамаар байна" гэв.
Үндэсний эрх чөлөө, тусгаар тогтнолоо сэргээсний баярын өдрийг маргааш орон даяар тэмдэглэхтэй холбогдуулж, Ерөнхийлөгч Х.Баттулга үг хэлсэн юм. Үүний дараа УИХ-ын дарга М.Энхболд хэлэлцэх асуудлын жагсаалтыг танилцуулав. Хэлэлцэх асуудалтай холбогдуулж, УИХ-ын гишүүн Л.Оюун-Эрдэнэ, “УИХ, Засгийн газар, Ерөнхийлөгч нэгдээд томоохон асуудлууд дээр шийдэл гаргамаар байна. Тухайлбал, он гараад хаалттай горимоор Засгийн газрын мэдээллийг чуулганаар бүтэн өдөр сонсох хэрэгтэй. Олон улсын зээл тусламж хэрхэн зарцуулагдаж байгааг ч хянах нь зүйтэй. Нэг хуралдаан дээр 20 асуудал хэлэлцэхээр оролцогчид нь санал хэлсэн болоод тардаг. Тиймээс зөвхөн нэг асуудал хэлэлцэж, оновчтой гарц гаргамаар байна" гэв.
УИХ-ын гишүүн С.Бямбацогт Төв банкны болон Банкны тухай хуулийг эгүүлэн татах хэрэгтэй гэсэн байр суурьтай байсны зэрэгцээ оны эхний чуулганы хуралдаанаар утааны асуудлыг авч хэлэлцэх саналтай байгаагаа хэллээ. Харин УИХ-ын гишүүн Х.Нямбаатар утаа зөвхөн нийслэлийнхний тулгамдсан асуудал биш болсон шүү хэмээн сануулав.
Үг хэлсэн гишүүдийн ихэнх нь утаатай холбоотой санал хэлсэн. Үүнтэй холбогдуулж УИХ-ын дарга М.Энхболд, "Утаа анхаарал татсан асуудал болсон. Эл асуудал дээр Ерөнхийлөгч, УИХ, Засгийн газар гэлтгүй ажиллах шаардлагатай байна. Сүүлийн 2-3 өдөр иргэд утсаар маш их санал хүсэлт ирүүллээ. Иргэдийн бухимдах нь аргагүй. Эрүүл мэндийн салбар дахь ачаалал ихэслээ. Иймд чуулганы хуралдааны дараа УИХ-ын даргын дэргэдэх зөвлөлийг хуралдуулж, ажлын хэсэг байгуулья. Он гарангуут ажлын хэсгийг шуурхай ажиллуулж, тодорхой чиглэл гаргая" гэлээ.
Б.Туул