Эцэг, эхчүүд “Хүүхэд хамгаалал-Хууль бидний амьдралд” өдөрлөгт оролцов

Орон нутагт | Говь-Алтай
185@montsame.mn
2018-03-23 19:30:15
Говь-Алтай /МОНЦАМЭ/ Говь-Алтай аймгийн Цагдаагийн газраас “Хуулийн хэрэгжилт” арга хэмжээний хүрээнд архидан согтуурахыг бууруулах, түүний хор уршгийг таниулах, хүний эрүүл мэнд халдашгүй байдлын эсрэг гэмт хэргээс урьдчилан сэргийлэх, эцэг, эхчүүдийн хүүхэд хамгааллын эрх зүйн мэдлэгийг дээшлүүлэх чиглэлээр “Хүүхэд хамгаалал-Хууль бидний амьдралд” өдөрлөгийг өнөөдөр зохион байгуулав.
 
Өдөрлөгийн хүрээнд Хүүхдийн эрхийн тухай, Хүүхэд хамгааллын тухай, Зөрчлийн тухай, Архидан согтуурахтай тэмцэх тухай, Гэр бүлийн хүчирхийлэлтэй тэмцэх тухай хуулиудын хүрээнд Есөнбулаг сумын найман багийн 100 гаруй эцэг эхэд сургалт мэдээлэл хийж,  хууль, эрхзүйн зөвлөмж бүхий гарын авлага, зурагт хуудас тараасан байна.
Мөн иргэдийн дунд “Хамтдаа” танин мэдэхүй, асуулт хариултын тэмцээн зохион байгуулсанаас тэргүүн байрт “Харзат” багийн иргэд, дэд байрт “Индэрт” багийн иргэд, гутгаар байрт “Харзат” багийн иргэд шалгарч Өргөмжлөл, мөнгөн шагналаар шагнажээ.
Энэхүү арга хэмжээг аймгийн “Гэр бүл, хүүхэдз алуучуудын хөгжлийн газар”, “Дэлхийн зөн Монгол ОУБ”-ын Говь-Алтай аймгийн ОНХХ-тэй хамтран зохион байгуулсан юм. 
 
Э.Нарангэрэл
 
Холбоотой мэдээ