Малын тоо бэлчээрийн даацаас нэг сая хонин толгойгоор хэтэрчээ
ОРОН НУТГИЙН МЭДЭЭ | БАЯНХОНГОРБаянхонгор аймгийн нийт сум Ус цаг уурын орчны шинжилгээний газартай хамтран бэлчээрийн ургацын хэмжээг тогтоожээ.
Сүүлийн жилүүдэд мал сүргийн тоо толгой тогтмол өссөнөөс 2015-2016 онд өвөлжиж, хаваржих малын тоо бэлчээрийн даацаас 1 сая хонин толгой малаар хэтрэлттэй гэсэн дүн гарчээ.
Энэ зун ихэнх нутгаар зуншлага оройтсоноос бэлчээрийн ургацын хэмжээ аймгийн дунджаар өмнөх оноос 0.16 цн/га-аар бага гарцтай байна. Ялангуяа говийн бүсийн Баянлиг, Баян-Өндөр, Баянцагаан, Баацагаан зэрэг сумын бэлчээрийн ургамлын ургац 0,37-0,98 цн/га байгаа аж.
Б.Мөнхзул