Улаанбаатар
367 иргэн мотоцикль жолоодох эрхтэй болов
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/.Замын цагдаагийн албанаас Зам тээврийн хөгжлийн яамны Авто тээврийн үндэсний төвтэй хамтран "Мотоциклийн бүртгэл" нэгдсэн арга хэмжээг улс, орон даяар зохион байгуулан ажиллаж байна.Тус арга хэмжээний хүрээнд улсын бүртгэлгүй буюу улсын дугааргүй ашиглаж буй мотоциклийг бүртгэлжүүлэх, А ангиллын жолоодох эрхийн үнэмлэхжүүлэх ажлыг хийж эхэлжээ. 4 дүгээр сарын 2-ны өдрөөс хойш өнөөдрийг хүртэл нийтдээ 655 мотоциклийг улсын бүртгэлд оруулж, 142 авто сургуультай хамтран 1192 иргэнийг сургалтад хамруулсан байна. Шалгалтад тэнцсэн 367 иргэнд А ангиллын жолоодох эрхийн үнэмлэх олголоо. Иргэдийг өөрийн эзэмшлийн мотоциклио улсын бүртгэлд хамруулж, эрхийн үнэмлэх авч мотоцикль жолоодохыг анхааруулав.
Ж.Батсайхан
