Улаанбаатар
Цагдаагийн шаардлага болон замын хөдөлгөөн зөрчсөн жолоочийг шалгаж байна
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/.Автомашингүй өдрийн арга хэмжээг зохион байгуулж байх үеэр цагдаагийн албан хаагчийн тавьсан хууль ёсны шаардлагыг эсэргүүцсэн нэгэн эмэгтэй жолоочийн зураг олон нийтийн сүлжээнд олны анхааралд өртсөн. Уг хэргийг ЗЦА-аас шалгаж байна. Тодруулбал, энэ сарын 19-ны өдрийн 10.45 цагт Сүхбаатар дүүрэгт байрлах Нарны зам, Урбанекын уулзвар дээр Цагдаагийн алба хаагчийн тавьсан хууль ёсны шаардлагыг эсэргүүцэн “Prius-20” маркийн автомашины жолооч эмэгтэй явган хүний замаар давах гэж хүчээр зүтгэсэн, шаардлага тавьсан цагдаагийн албан хаагчийг дайрах гэж оролдсон зөрчил гаргасан байна.
Ж.Батсайхан
